Talk Morgan Forums Community The Malvern Arms Just a smile.

Just for you Bob

THE HEN AND HER FELLOW-TRAVELLERS.  
Robert Chambers - Popular Rhymes, Fireside Stories, and Amusements of Scotland (1842)

A hen picking at a pease-stack, a pea fell on her head, and she thought the lifts were faun. And she thought she would go and tell the king about it.
And she gaed, and gaed, and gaed ; and she met a cock. And he said, " Where are ye gaun the day, henny-penny ? " And she says, " I'm gaun to tell the king the lifts are faun." And he says, " I'll gang wi' ye, henny-penny."
And they gaed, and they gaed, and they gaed ; and they met a duck. And the duck says, " Where are you gaun the day, cocky-locky, henny-penny ?" " We're gaun to tell the king the lifts are faun." " I'll gang wi' you, cocky-locky, henny-penny." " Then, come awa', ducky-daddles."
And they gaed, and they gaed, and they gaed ; and they met wi' a goose. And the goose says, " Where are you gaun the day, ducky-daddles, cocky-locky, henny-penny ?" " We're gaun to tell the king the lifts are faun." And he says " I'll gang wi' you, ducky-daddles, cocky-locky, henny-penny." " Then, come awa', goosie-poosie," said they.
And they gaed, and they gaed, and they gaed, till they came to a wood, and there they met a tod. And the tod says, " Where are you gaun the day, goosie-poosie, ducky-daddles, cocky-locky, henny-penny ?" " We're gaun to tell the king the lifts are faun." And he says, " Come awa', and I'll let you see the road, goosie-poosie, ducky-daddles, cocky-locky, henny-penny ?"
And they gaed, and they gaed, and they gaed, till they came to the tod's hole. And he shot them a' in, and he and his young anes ate them a' up, and they never got to tell the king the lifts were faun.